>>> ԳԼԽԱՎՈՐ ՊՈԵԶԻԱ Եռանկյունաչափական շրջապտույտ

Naira Hambardzumyan

Եռանկյունաչափական շրջապտույտ

Էլ.փոստ Տպել PDF

Մեռնում են լուսնի անեծքից
ափերը համբուրող ալիքների ծովի,

ստվերների չսպասված խաղը խաբկանքի պես
դառնում է երազի կիսատ թռիչք,
այստեղ աշխարհագրությունն է բառերի,
որ անվանում է լռությունը, նշանները,
հետքերը մեր քայլերի;

<<Անպտուղ թզենին>>, որին անիծեց Հիսուսը,
այդպես էլ չտրվեց աշխարհին,

նրա արմատը լի է բառերով,
որոնց, հնարավոր է, չենք տեսնում,

նրանք պոկվում են մեր մարմիններից,
ինչպես ձեռքերը` մեռնող իրերից,
ու ստվերները` քնատ կեսօրից;

Մեկնաբանել


Պաշտպանիչ կոդ
Վերբեռնել


* * *

Իսկ ես մի օր կքնեմ
(հին նախամարդու պես)
Հենց այնպես,
Առանց ծածկոցի:
Եվ քամին կճոճի սաղարթները սոճիների,
Եվ հեռվում չիղջաչք գիշերներից կկախվեն հրեշտակները
Իրենց անկման պահին.
Եվ իրերը նորից հանգիստ կննջեն
Մինչև առավոտ,
Եվ Ընթացքը նորից
Նշաններ կխառնի կյանքին:
Եվ չի լինի մեկը,
Որ կասեցնի անկումն իմ`
Գահավիժման պահին:

ՁԱՅՆԱԴԱՐԱՆ


PopUp MP3 Player (New Window)

ՏԵՍԱԴԱՐԱՆ